Coa axuda de profesionais, os asistentes a esta xornada afondan na arqueoloxía, prehistoria e historia das Terras de Monterrei.
Especialistas como Victor Muñiz e Yolanda Álvarez mostraron ós participantes as principais novidades arqueolóxicas achadas entre os anos 2021 e 2024. Entre os principais achados atópanse restos dun asentamento do século IV a.C.
Afondan na arqueoloxía e a historia de Monterrei
A investigadora Nieves Amado presentou a súa investigación sobre Monterrei coa mirada posta na construción de edificios relixiosos nos extramuros da fortaleza de Monterrei. Neste espazo atopábanse catro construcións que correspondían ós Mecerdarios, Franciscanos, Xesuitas e Laudatos.
Pola tarde, o arquitecto Juan Carlos Picáns explicou o proceso de rehabilitación da Vila de Monterrei. Posteriormente, Victor Muñíz e Lucía Rodríguez de Lobarzán falaron da evolución deste lugar desde a etapa prehistórica ata o seu abandono no século XV.
As últimas presentacións foron a cargo de Martiño Xosé Vázquez que falou sobre o xacemento da idade do bronce na Madalena, Gerardo Rosa que falou sobre as marcas de cantaría sobre a Torre de Homenaxe de Monterrei, Agustín Dieguez sobre a Casa de Monterrei no século XVII e Alberto Blanco Casal coa presentación da súa novela «A soidade do inquisidor».