O grupo Antagonista Teatro interpreta a obra «Insubmisa» este venres, 24 de novembro, en Barbadás para conmemorar o Día contra a Violencia de Xénero.
Esta actuación forma parte da programación da Rede de Auditorios Provincial de Ourense que promove a Deputación Provincial.
Antagonista Teatro interpreta «Insubmisa» en Barbadás
Un crime e as consecuencias mentais que provocan na autora son o fío condutor desta trama que Antagonista Teatro presenta na Sala Manuel María de Barbadás. Os intentos por ofrecer un diagnóstico fracasan ó atoparse ante unha mente demasiado complexa provocando a frustración das persoas que teñen que elaborar o traballo diagnóstico.
Como di a sinopse da obra: «pode ser libre unha muller cando a súa historia será escrita por homes?»
Esta obra está dirixida a un público adulto. As invitacións poden recollerse na Casa da Cultura de Barbadás.