A asociación Arrolos de Teta participará un ano máis nas mobilizacións do Día Internacional das Mulleres (8M) en Ourense para reivindicar os dereitos das nais lactantes e denunciar as violencias que, segundo indican, aínda se producen nas maternidades.
O colectivo realizará dúas accións de rúa o 8 de marzo: ás 12:00 h na Praza Bispo Cesáreo e ás 17:00 h na Praza Maior.
Arrolos de Teta súmase ao 8M para reivindicar os dereitos das nais lactantes
Tras esta última, as participantes desprazaranse xuntas cara á Castañeira, onde ás 18:00 h está convocada a manifestación do 8M.
Desde a asociación lembran que o dereito a recibir información veraz, acompañamento e apoio para amamantar en condicións dignas segue vulnerándose en moitas ocasións. Por iso reclaman ás administracións máis recursos, formación e protocolos que garantan un apoio real á lactancia materna.
