O subdelegado do Goberno en Ourense, Eladio Santos, asistiu este luns ao pleno extraordinario no que se escolleu a Aurentino Alonso como novo alcalde do Barco de Valdeorras.
Santos felicitou ao rexedor en nome do Goberno de España e destacou a súa confianza na nova etapa municipal. “Deséxolle grandes éxitos no seu mandato, convencido de que saberá traballar con entrega e compromiso polo benestar dos veciños e veciñas do municipio”, afirmou.
Aurentino Alonso, novo alcalde do Barco de Valdeorras
O representante do Executivo tamén quixo ter unhas palabras de recoñecemento para o alcalde saínte, Alfredo García, quen deixa a alcaldía tras unha longa traxectoria. “A súa dedicación e servizo público deixan unha pegada no Barco de Valdeorras que merece ser recoñecida”, subliñou.
