O Campionato de España de 5K máster, celebrado esta fin de semana en Bertamiráns, deixou unha gran alegría para o atletismo galego.
Begoña Domínguez proclamouse subcampioa de España na categoría F40 cun excelente tempo de 18:19, nunha proba marcada pola chuvia e o esforzo compartido.
Begoña Domínguez, subcampioa de España de 5K en Bertamiráns
A atleta ourensá cruzou a meta entre a valenciana María Isabel Ferrer, gañadora cun rexistro de 17:42, e Sofía Freaza, do Comesaña Sporting Club, que completou o podio con 18:39.
Tamén destacou a participación de Saturnino González, quen acadou un meritorio sexto posto na categoría M60 grazas a unha marca de 18:10, quedando a tan só catro segundos do quinto clasificado, o albaceteño Abelardo Martínez (18:06), e superando con claridade ao sevillano Juan Carlos Díaz (19:06).
A cita, que reuniu a atletas veteranos de todo o país, confirmou unha vez máis o excelente nivel competitivo do atletismo galego, mesmo en condicións meteorolóxicas adversas.