Ante a parálise das negociacións, o BNG sigue apostando pola moción de censura no concello de Ourense que permita por fin ó período de Gonzalo Pérez Jácome na alcaldía.
«Na última reunión mantida, o BNG deixou a súa sinatura nun documento-proposta de moción de censura agardando polas outras trece necesarias para que prospere, sete do PP e seis do PSdeG-PSOE«, lembrou Luís Seara.
O BNG sigue apostando pola moción de censura
O voceiro do BNG no concello de Ourense indicou que «sempre nos amosamos dispostos a, despois da moción de censura, traballar a prol da cidade e da súa gobernabilidade». Ante a ruptura das negociacións, Seara destaca que «o PP nunca quixo censurar a Jácome, pois é con el con quen asinaron en 2019 e no 2023».
Coa vista posta no futuro, Seara mostra a vontade do BNG para seguir «traballando arreo a prol da veciñanza e dos intereses de Ourense, ofrecendo unha alternativa real, seria e rigorosa».