O equipo sub18 do Ourense Atletismo logrou un bronce histórico no Campionato de España de Cros por equipos, celebrado con motivo do Cros de Atapuerca.
Na distancia de 3.895 metros, o éxito foi posible grazas á victoria de Sabela Castelo con 13:58, acompañada do 15º posto de Naroa Pereira (14:52), o 40º de Susana Padrón (15:30), o 57º de Irme Veiguela (15:54) e o 79º de Aloia Sabucedo (16:13).
Bronce histórico para Ourense Atletismo no Campionato de España de Cros
Eliminando ás atletas fóra de concurso e sumando os catro mellores postos, os 90 puntos permitiron acadar a terceira praza por detrás do CA Safor-Teika (74 puntos) e por diante da SG Pontevedra (113 puntos). Este é o primeiro trofeo do club nun campionato de España, superando o mellor resultado histórico, unha cuarta praza conseguida polo equipo júnior feminino na tempada 2006-2007.
A nivel individual, participaron tamén: Usúe Bernández (sub16), 13ª con 10:59 nos 2.879 metros; Mario Lorenzo (sub18), 64º con 13:12 nos 3.895 metros; Leyla Villar (sub20), 51ª con 15:34; e Begoña Domínguez, 104ª na carreira absoluta de 6.821 metros con 27:45.
Tres medallas para Ourense Atletismo no Campionato Galego de Marcha de Inverno
No XVIII Campionato Xunta de Galicia de Marcha de Inverno, Ourense Atletismo colleitou tres medallas grazas ás actuacións de Icía Ares e María Grande.
Icía Ares acadou a segunda praza absoluta e o ouro na categoría sub18 nos 5.000 metros marcha con 23:56.35, mentres que María Grande rematou duodécima absoluta, pero venceu na categoría M50 cun tempo de 30:11.23.
Estas actuacións consolidan ao Ourense Atletismo como un dos clubs máis destacados da provincia en ambas disciplinas.