Deportes

Gran ambiente e altas marcas no Campionato Provincial de Piragüismo en Muiños

Nunha xornada marcada polo bo tempo e unha notable afluencia de público, o encoro das Salas (Muiños) foi escenario este domingo do Campionato Provincial de Piragüismo, que tamén supuxo a primeira regata da Liga Provincial puntuable para a Copa Deputación 2025.

A cita, organizada pola S.C.D.X. Fontefría e a Federación Galega de Piragüismo, contou coa colaboración do Concello de Muiños e da Deputación de Ourense.

Gran ambiente e altas marcas no Campionato Provincial de Piragüismo en Muiños

O encoro das Salas acolleu este domingo a primeira regata da Liga Provincial, puntuable para a Copa Deputación 2025.

Gran ambiente e altas marcas no Campionato Provincial de Piragüismo en Muiños
Foto: Federación galega de piragüismo – delegación Ourensana

Participaron 77 deportistas (51 homes e 26 mulleres) en representación de todos os clubes da provincia, que se enfrontaron a diferentes distancias segundo as categorías: 1.000 metros para pre-benxamíns, benxamíns e alevíns; 2.000 metros para infantís; e 4.000 metros para cadetes.

Dominio do Piragüismo Ourense

O club Piragüismo Ourense foi o gran dominador da xornada, tanto en número de vitorias individuais como na clasificación xeral por equipos, na que se impuxo ao Fluvial Allariz e á S.C.D.X. Fontefría de Muiños, segundo e terceiro respectivamente.

Foto: Federación galega de piragüismo – delegación Ourensana

Entre os triunfos individuais, destacaron os de Borja Feijoo e Inés Arias (cadete), Alba González e Thiago Paz (infantil), así como Nicolás Carbajal, Isabella Rodríguez e Jara Paz nas categorías alevíns. Outros vencedores foron José Manuel Bocigas e Sara Silva en pre-benxamín, representando á S.C.D.X. Fontefría, e Mauro Quintas (Fluvial Allariz).

Clasificación final por clubes:

  1. Piragüismo Ourense
  2. Fluvial Allariz
  3. S.C.D.X. Fontefría (Muiños)
  4. Fluvial O Barco
  5. Fluvial Avión-Castrelo de Miño
  6. Náutico Ribeiro

O evento reafirma o bo momento do piragüismo ourensán e a importancia da Liga Provincial como canteira de novos talentos no deporte náutico.

Botón volver arriba

Bloqueador de anuncios detectado

Hemos detectado que usas un bloqueador de anuncios. Por favor, desactívalo.