O colexio Santo Ángel de Ourense conmemorou esta mañá o seu 100 aniversario cun acto celebrado no Auditorio municipal da cidade, no que se puxo en valor a traxectoria educativa do centro ao longo dun século.
Manuel Pardo, delegado territorial da Xunta en Ourense, asistiu á celebración institucional, que reuniu a alumnado, profesorado, familias e representantes da comunidade educativa para lembrar a historia e evolución deste centro.
O colexio Santo Ángel celebra o seu centenario en Ourense
Baixo o lema “Vuelo 100”, o acto destacou o compromiso do colexio co ensino e a formación do alumnado, un labor construído ao longo dos anos grazas ao esforzo colectivo e á implicación de toda a comunidade educativa.
Durante a conmemoración tamén se puxo en valor o papel do centro na formación de xeracións de estudantes da cidade, así como a súa capacidade para adaptarse aos cambios sociais e educativos mantendo os seus valores pedagóxicos.
A celebración do centenario serviu así para recoñecer o traballo desenvolvido polo colexio Santo Ángel ao longo destes cen anos de historia, consolidándose como un referente educativo na cidade de Ourense.
