O Espazo OZOCOgz do Carballiño acollerá este mércores, 26 de novembro ás 20:00 horas, a visita dun dos grandes nomes das letras galegas: o escritor Cesáreo Sánchez, natural do Irixo e actual presidente da Asociación de Escritoras e Escritores en Lingua Galega.
O autor chega á vila para presentar O rumor do distante, o seu novo poemario, nun encontro aberto ao público.
Cesáreo Sánchez presenta no Carballiño o seu novo poemario
O Espazo OZOCOgz destaca que o acto pretende achegar a creación poética á cidadanía, ao tempo que reforza o seu compromiso coa difusión da cultura na comarca.
Sánchez, recoñecido polo seu labor literario e asociativo, compartirá co público as claves dun libro que explora a memoria, o territorio e o paso do tempo.
O evento é de entrada libre ata completar aforo, polo que desde OZOCOgz animan a participar nunha tarde pensada para impulsar a cultura galega desde o corazón do Carballiño.