Comeza a VI Semana da Patria en Ourense que organiza a organización xuvenil Galiza Nova ó redor da celebración do 25 de xullo.

Esta organización fai un chamamento á mocidade de Ourense para participar nos actos programados.

Comeza a VI Semana da Patria en Ourense

O Día da Patria Galega, o 25 de xullo, é o motivo polo que Galiza Nova organiza unha programación cultural. A VI Semana da Patria contará con varios actos que presentou Bruno Fariñas, responsable comarcal de Galiza Nova en Ourense.

«Nesta semana desenvolveremos diversos actos como un obradoiro de baile e un serán nacionalista o día 19 de xullo a partir das 20:30h na Praza das Mercedes e un acto sobre os prexuízos lingüísticos na mañá do martes 23 a partir das 11:30h no Centro Cívico Colón, no que intervirá Mercedes Queixas», indicou Fariñas.