A Xunta de Goberno Local de Ourense aprobou esta mañá, nunha sesión extraordinaria e urxente, o expediente para licitar a concesión demanial da cafetería do Parque da Alameda, un espazo emblemático da cidade.
O goberno municipal deu luz verde tamén aos pregos económicos, administrativos e técnicos que rexerán o procedemento aberto para seleccionar a nova empresa concesionaria.
O concello de Ourense abre a concurso a concesión da cafetería da Alameda
Este contrato terá unha duración inicial de 10 anos e establece un canon anual de partida de 71.842,08 euros (IVE incluído). Esta cifra supón un incremento moi significativo respecto ao canon vixente ata o de agora, situado en 9.600 euros anuais, unha subida que multiplica por máis de sete o importe anterior.
Con esta licitación, o Concello pretende modernizar e dinamizar a actividade hostaleira nun dos parques máis frecuentados da cidade, ao tempo que incrementa os ingresos municipais asociados ao uso deste espazo público.