O Concello de Ourense, Ecourense e o CIFP Portovello poñen en marcha unha nova edición do Concurso de Escaparates de Nadal.
Esta iniciativa busca dar visibilidade ao comercio local e contribuír á dinamización e ambientación festiva da cidade nestas datas.
Nova edición do Concurso de Escaparates para dinamizar o Nadal en Ourense
Os comercios interesados poderán inscribirse desde mañá, xoves 27 de novembro, até o 15 de decembro, enviando un correo a concursoescaparates@ourense.gal. A organización anima á participación para reforzar a presenza e creatividade do tecido comercial ourensán.
O certame repartirá 9.800 euros en premios: un primeiro galardón de 3.000 euros, un segundo de 2.000, un terceiro de 1.000 e sete accésits de 400 euros. Como novidade, incorpórase un premio especial de reciclaxe de 1.000 euros, pensado para recoñecer propostas sostibles e innovadoras.
As decoracións deberán permanecer expostas entre o 15 de decembro e o 7 de xaneiro, período no que o xurado avaliará cada escaparate. A valoración terá en conta o impacto visual, o atractivo comercial, a calidade da proposta, a estética e o marketing, co obxectivo de premiar aquelas iniciativas que mellor contribúan á imaxe navideña da cidade.