O Concello de Barbadás, a través da Concellaría de Educación, vén de convocar unha nova edición do Concurso Infantil de Tarxetas de Nadal 2025.
Este concurso está dirixido a todos os nenos e nenas do municipio matriculados en educación primaria, de 1º a 6º curso.
Concurso Infantil de Tarxetas de Nadal 2025 en Barbadás
O obxectivo é promover a creatividade, a expresión artística e o espírito do Nadal entre os máis pequenos.
O certame contará con dúas categorías: unha para alumnado de 1º a 3º de Primaria e outra para 4º a 6º de Primaria. As tarxetas deberán representar o espírito destas datas, valorándose a orixinalidade e a creatividade do deseño. Estas obras presentaranse en cartolina ou papel tamaño DIN A5 (15 x 21 cm), con deseño vertical.
As creacións poderán entregarse ata o 21 de novembro ás 14:00 horas, na Casa da Cultura de Barbadás, no buzón habilitado para o concurso, ou nas conserxerías dos CEIP Filomena Dato e O Ruxidoiro. Cada participante deberá entregar a súa tarxeta nun sobre pechado con pseudónimo e idade, e outro sobre interior cos datos persoais.
O xurado, composto pola concelleira de Educación, o coordinador da Casa da Cultura e un representante de cada colexio participante, escoitará dúas tarxetas gañadoras por categoría. As obras premiadas poderán ser empregadas polo Concello para o Programa Cultural de Nadal ou para felicitacións institucionais.
Os nomes das persoas gañadoras publicaranse na web municipal a partir do 26 de novembro de 2025, e o 22 de decembro celebrarase unha recepción especial con Papá Noel, que incluirá sorpresas para os participantes seleccionados.