O espectáculo de fogos artificiais das Festas de Ourense 2025 obrigará a realizar cortes de tráfico o domingo 22 de xuño.
Estes cortes comezarán instantes antes das 23.59 horas, en diferentes puntos estratéxicos da cidade para garantir a seguridade do público asistente.
O espectáculo pirotécnico das Festas de Ourense traerá restricións de tráfico
En concreto, veranse afectadas as seguintes vías:
- Ponte do Milenio
- Ponte do Ribeiriño
- Estrada Nacional 120, á altura da rotonda con Pablo Iglesias, desviando a circulación pola rúa Díaz de la Banda
- Rotonda do acceso centro coa Nacional 120, en dirección ao centro da cidade: neste punto, os vehículos que accedan desde a rúa Castro Canseco serán desviados pola rúa Bispo Lourenzo
Recoméndase á cidadanía planificar con antelación os desprazamentos, utilizar rutas alternativas e seguir en todo momento as indicacións da Policía Local, que velará pola fluidez do tráfico e a seguridade viaria durante este evento multitudinario.