O Curso de Defensa Persoal Feminina para Mulleres e Mozas, organizado polo Centro de Información á Muller Santa Águeda, reuniu o pasado 16 de novembro de 2025 unha destacada participación nos concellos de Vilamarín e Coles.
Esta actividade está dentro do calendario de actividades conmemorativas do 25N, Día Internacional para a Eliminación da Violencia contra as Mulleres.
Mulleres de Vilamarín e Coles fórmanse en defensa persoal contra a violencia de xénero
A sesión, centrada na autodefensa e as autocapacidades, estivo impartida por persoal especialista, entre eles o monitor J. J. Martínez, e tivo como obxectivo ofrecer ás participantes ferramentas prácticas para previr situacións de violencia de xénero.
A xornada desenvolveuse nun ambiente de convivencia e respecto, con ampla participación e satisfacción por parte das mulleres e mozas asistentes, que valoraron positivamente a oportunidade de reforzar a súa seguridade persoal e o seu empoderamento.