Desde o PSdeG-PSOE denuncian a intención do goberno municipal de pechar o CIMM mediante o traslado das súas catro traballadoras.
A última reunión da Xunta de Área de Servizos Sociais permitiu coñecer as intencións do equipo de goberno do concello de Ourense.
Denuncian a intención de pechar o CIMM
Natalia González Benéitez, voceira socialista indica que é unha «auténtica aberración e afrenta política o peche dun edificio municipal chave en materia de igualdade e loita contra a violencia de xénero por falta de vontade e sensibilidade política».
![Denuncian a intención de pechar o CIMM](https://ourensenarede.com/wp-content/uploads/2024/05/cimm-ourense.jpg)
As traballadoras serán trasladadas ó edificio municipal situado na Praza de San Martiño durante «esta mesma semana». Este traslado supón para o grupo municipal socialista perder a «garantía imprescindible de confidencialidade das novas instalacións para atender as persoas usuarias, maioritariamente mulleres vítimas de violencia de xénero ou en risco de exclusión».