A Casa do Chocolate de Teimende, en Parada de Sil, volverá abrir as súas portas este sábado 13 de setembro para celebrar o Día Mundial do Chocolate.
Esta cita internacional, instaurada en 1995, rende homenaxe a dúas figuras clave: o escritor Roald Dahl e o empresario Milton Hershey, ambos nados un 13 de setembro.
A Casa do Chocolate abre as súas portas con visitas e degustacións
O evento está organizado polo equipo de Turismo de Parada de Sil baixo o lema “O chocolate: da selva ao cinema e á literatura”. A oferta inclúe visitas guiadas gratuítas para descubrir como este doce foi protagonista tanto no cinema como na literatura infantil.
Os asistentes tamén poderán gozar dunha demostración coas máquinas que producían o histórico Chocolate Caldelas da familia Casares, elaborado en Teimende.
Ademais da parte divulgativa, o público terá ocasión de saborear unha cunca de chocolate quente con galletas, convertendo a visita nunha experiencia completa.
O programa busca lembrar o papel que xogaron Dahl —autor de Charlie e a Fábrica de Chocolate, obra que inspirou varias adaptacións cinematográficas— e Hershey, creador da popular barra de chocolate con leite condensado e impulsor dunha cidade para os seus traballadores en Pensilvania, exemplo de compromiso social.
Con esta iniciativa, a Casa do Chocolate, único espazo museográfico adicado a este produto en Galicia, consolídase como punto de referencia na Ribeira Sacra.