Ribadavia xa ten todo preparado para celebrar as Festas do Portal 2025, que se desenvolverán entre o venres 5 e o martes 9 de setembro.
O programa inclúe máis de trinta actividades pensadas para todos os públicos, combinando tradición, música, cultura e espectáculos que converterán a vila nun auténtico punto de encontro festivo.
Ribadavia en festa: programa completo das Festas do Portal 2025
As celebracións comezarán o venres 5 de setembro coa inauguración da exposición “Narrativas Futuras. As ruínas do rural” e coa apertura oficial das festas. O día pechará con dous pratos fortes: o concerto da mítica banda Burning e a sesión musical de Euphoria.
O sábado 6 será unha das xornadas máis intensas, con propostas dende a mañá ata a madrugada. Haberá a tradicional quedada de motos clásicas, o desfile de xigantes e cabezudos, o Mercado das Sementes, exhibicións musicais e artísticas, ademais do concerto da orquestra Royal Espectáculo e a sesión de madrugada con Rompecinturas Selektor.
O domingo 7 estará marcado pola tradición coa alfombra floral en honor á Virxe do Portal, ademais da música de Bandínos Band, Pakolas, Os Coribantes e a verbena con Ritmo Joven.
O luns 8, día grande das festas, celebrarase a procesión e a misa solemne en honra á Virxe do Portal, acompañada pola Banda A Lira de Ribadavia. Pola noite, actuarán Gin Toni’s e haberá unha gran tirada de fogos de artificio a cargo de Pirotecnia Josman.
O martes 9 pecharán os festexos cunha misa cantada polo Coro Parroquial e a música da Banda de Gaitas Brigal Galicia VII, ademais do último desfile de xigantes e cabezudos.
Programa Festas do Portal 2025 – Ribadavia
Venres 5 de setembro
- 19:30h → Apertura de portas e inauguración: “Narrativas Futuras. As ruínas do rural” (Museo Etnolóxico de Ribadavia).
- 20:30h → Inauguración da exposición no salón de actos do Museo.
- 21:00h → Pasarrúas cos Tabaleiros da Istoria.
- 21:30h → Coloquio performativo de artistas: “Medios estagnados, ecoloxías subversivas e outros” (Museo).
- 23:00h → Concerto de Burning (Praza da Casa da Cultura).
- 00:30h → Discomóbil Euphoria (Rúa Progreso con Oliveira).
Sábado 6 de setembro
- 11:00h → IX Quedada de Motos Clásicas O Ribeiro (Castelo).
- 12:00h-12:30h → Desfile de Xigantes, cabezudos e cabezudiños con “Airinos de Arnoia”.
- 12:00h-12:30h → Mercado das Sementes (Xardíns do Castelo).
- 12:30h/13:30h → Obradoiro de iniciación a novas experiencias plásticas.
- 13:00h/13:30h → O Grilo Sinde (Arteficial).
- 13:30h → Mvre Brima (Igrexa da Madalena).
- 15:00h → Isaac Pedrouzo (Salón Balneario Arteficial).
- 16:30h/17:30h → DJ Abril (Praza Buxán).
- 17:30h/18:30h → DJ Paula RR (Escalinata do Castelo).
- 17:30h/18:30h → Auto Sacramental (Praza Buxán).
- 18:30h/19:00h → Obra de teatro infantil: “As mans no pasado”.
- 19:00h → Concerto de Charnego (Rúa Progreso).
- 20:00h/21:00h → Os Bravú (Escalinata do Castelo).
- 20:30h/21:30h → DJ Paula RR (Rúa Progreso).
- 21:30h → Concerto de Orquestra Royal Espectáculo (IIS O Ribeiro).
- 22:30h/00:00h → Karaoke Open Mic (Arteficial).
- 00:30h → DJ Rompecinturas Selektor (Igrexa da Oliveira, Arteficial).
Domingo 7 de setembro
- 12:00h → Pasarrúas con Bandiños Band.
- 12:30h → Saída dos Xigantes e Cabezudos ata a residencia de maiores (San Domingos).
- 19:00h → Confección da Alfombra Floral en honra á Virxe do Portal (Mulleres Rurais).
- 19:30h → Pakolas, actuación infantil.
- 20:30h → Os Coribantes, actuación musical.
- 22:00h → Verbena con Orquestra Ritmo Joven.
- 01:00h → Discomóbil MVP (Rúa Progreso xunto ao Castelo).
Luns 8 de setembro – Día Grande
- 10:30h → Recepción de autoridades (Casa do Concello).
- 10:45h → Pasarrúas coa Banda A Lira de Ribadavia ata o Santuario da Virxe do Portal.
- 11:00h → Procesión da Virxe do Portal, acompañada pola Banda A Lira e con tirada de fogos.
- 12:00h → Misa solemne cantada polo Coro de Cámara Club Artístico.
- 13:30h → Saída de Xigantes e Cabezudos acompañados polo Grupo de Gaitas de Castrelo de Miño.
- 20:00h → Concerto da Banda A Lira de Ribadavia (Auditorio Rubén García).
- 22:00h → Verbena co grupo Gin Toni’s (Rúa Progreso).
- 00:00h → Gran tirada de fogos artificiais (Pirotecnia Josman).
Martes 9 de setembro
- 18:30h → Misa cantada polo Coro Parroquial, coa entrega de misa recollida da Virxe do Portal.
- 19:00h → Actuación da Banda de Gaitas Brigal Galicia VII.
- 20:00h → Desfile de Xigantes con Pedro e Dona Ana acompañados da banda.
