Xa coñecemos o cartel das Festas de San Xurxo de Touza 2024 que contará con varias actuacións musicais durante os tres días de festexos.
Os días 23, 24 e 25 de agosto, esta localidade do concello de Taboadela celebrará as súas festas na honra de San Bartolomeu.
Festas de San Xurxo de Touza 2024
O venres, día 23, a charanga «Os Escachapeitos» realizará un pasarrúas a partir das 19h para dar comezo ás celebracións de 2024.
A xornada do sábado, 24 de agosto comezará coa procesión e misa na honra de San Bartolomeu e a sesión vermú coa charanga «Achicoria». A partir das 17h, os máis cativos gozarán con numerosos xogos, festa da escuma e inchables. Será ás 21h cando comece a festa coa Orquestra Talismán que tamén actuará na verbena xunto á Disco Móbil Chocolate.
No terceiro e derradeiro día das festas, a «Charanga de Música e Cultura de Galicia» actuará na sesión vermú unha vez realizada a procesión e misa na honra de San Bartolomeu. Pola tarde, o tradicional partido entre solteiros e casados e a actuación da Orquestra Tango porán o remate ás festas de San Xurxo de Touza deste ano 2024.