Esta fin de semana celébranse as Festas de Santa Cruz de Arrabaldo 2024 cunha importante oferta musical para todas as idades.
Os días 3 e 4 de maio, Santa Cruz de Arrabaldo celebrará unha das festas máis agardadas na contorna da cidade de Ourense.
Festas de Santa Cruz de Arrabaldo 2024
O venres, 3 de maio, a programación das festas de Santa Cruz de Arrabaldo comezará coa celebración dunha eucaristía ás 13h. Pola noite, a Orquestra Marbella comezará a súa actuación a partir das 22:30h. A verbena inclúe tamén a actuación de A Gramola.
Na xornada do sábado, 4 de maio, as festas contarán de novo coa celebración dunha misa ás 13h e posterior sesión vermú. Pola noite, a partir das 22:30h, comezará a verbena coa presentación oficial do grupo Nebraska. As festas de Santa Cruz de Arrabaldo rematarán cun festival de DJ’s entre os que atopamos a DJ Paulo Seoane, Imcodee, DJPopy ou JJ Compota e a Discomóbil Infinitty.
