O lugar de A Seara, no concello de Cartelle, vivirá entre os días 16 e 28 de agosto as súas tradicionais festas, cun programa que combina música, gastronomía, cine ao aire libre e actividades para todas as idades.
A celebración, organizada pola comisión de festas coa colaboración de entidades locais, promete converterse nun dos eventos máis destacados do verán na comarca.
A Seara prepárase para celebrar as súas festas do 16 ao 28 de agosto
As festas darán comezo o sábado 16 coa tradicional alborada, seguida de procesión, misa e a actuación da charanga Bandiños Band. Esta agrupación tamén volverá actuar o mércores 27, día grande da programación.
O luns 25 será a quenda do cine ao aire libre no campo da festa e o martes 26 celebrarase a cea popular ás 21:00 h. O menú incluirá empanada, polbo, carne ao caldeiro, doces e bebidas, cun prezo de 25 euros por persoa e numerosos agasallos para sortear. As entradas poden mercarse na Asociación A Seara, Bar Cubanos, Bar Cacheiro (Outomuro) ou a través dos membros da comisión.
O mércores 27, ademais da sesión vermú coa charanga e a verbena, haberá xogos infantís desde as 18:00 h. Despois haberá unha gran noite festiva coa actuación do grupo Assia e a disco móbil Gramola.
As festas concluirán o xoves 28 coa habitual procesión, misa e sesión vermú. Pola noite, unha animada verbena co grupo América SL e DJ Mikelson, que porán o broche final a case dúas semanas de celebracións.
