O Auditorio Municipal de Ourense acollerá o vindeiro 9 de outubro, ás 17:30 horas, a cuarta edición do Festival Mundial de Ilusionismo “Galicia Ilusiona”, a gran cita anual coa maxia de máis alto nivel.
Trátase dun espectáculo único que reúne sobre o mesmo escenario a algúns dos magos máis recoñecidos e premiados a nivel internacional.
Galicia Ilusiona trae a Ourense aos mellores magos do mundo
Na Gran Gala Internacional deste ano, o público poderá gozar cos incribles trucos de Mago Murphy (Madrid), Seimei (Corea do Sur), Nacho Samena (Galicia), David Burlet (Francia) e a Compañía Mag Edgard (Barcelona).
“Galicia Ilusiona” consolidouse como un referente cultural que combina entretemento, espectáculo visual e talento internacional, ofrecendo en Ourense unha ocasión irrepetible para amantes da maxia de todas as idades.