O escritor e xornalista Javier Fraiz visitará o Carballiño o vindeiro venres, 26 de setembro, para presentar a súa máis recente creación literaria, Amar/Azar.
O acto enmárcase nas coñecidas “presentacións ozoqueiras”, que veñen achegando ao público a autores e propostas culturais de referencia.
Javier Fraiz presenta no Carballiño a súa nova obra Amar/Azar
Fraiz, recoñecido coa súa pluma tanto no eido literario como no xornalístico, suma con este título a súa terceira obra, tras Abro comijazz e Morte no espello. Ademais, en 2019 foi galardoado co Premio de Periodismo Xosé Aurelio Carracedo, un dos máis prestixiosos no ámbito informativo galego.
Na presentación estará acompañado por outro xornalista e escritor moi vinculado á vila, Carlos Rodríguez Calvo. Autor da novela El hombre blanco del río Nieva e presidente do Centro de Estudios Chamoso Lamas, Rodríguez Calvo será o encargado de dialogar co autor sobre as claves desta nova publicación e o proceso creativo que a fixo posible.
O encontro promete ser unha oportunidade para descubrir en profundidade Amar/Azar. Nesta obra, Fraiz explora novas perspectivas narrativas e afonda na traxectoria de dous nomes de referencia da literatura e do xornalismo galego.
