O Club Ximnasia Pavillón viviu unha intensa fin de semana de competición no Euskalgym, marcada por destacados resultados e o debut a nivel base de varios dos seus equipos.
No ámbito individual, a actuación máis salientable foi a de José Vázquez Gómez, que conseguiu a medalla de bronce.
José Vázquez Gómez logra o bronce no Euskalgym
Vázquez realizou un brillante exercicio de pelota cheo de emoción e expresividade.
Edu tamén deixou unha boa impresión sobre o tapiz, rematando na 18ª posición. O ximnasta ourensán realizou un intenso exercicio de mazas no que amosou a súa determinación e progreso técnico.
Os equipos benxamín, alevín e infantil prebase realizaron un excelente papel nesta cita, evidenciando o traballo e a evolución da canteira. Os conxuntos xuvenil base e sénior absoluto transmitiron moi boas sensacións, con exercicios sólidos e cheos de garra. Mostraron unha evolución moi positiva nesta fase de preparación.
Estes conxuntos afrontarán nas próximas semanas dúas grandes citas, o Campionato Galego de Conxuntos, que se disputará o domingo 9 de novembro en Vigo, e o Campionato de España, previsto en Castellón.