Laza acolle unha nova edición do Ponte Farruca que se celebrará o 12 de agosto cun programa de actividades nas que a música será unha das principais protagonistas.
Grupos como «La Quinkillada», «The Teta’s Van» ou «As Silveiras do Támega» forman parte desta Romaría que consolida nesta edición o camiño iniciado en 2022.
Laza acolle unha nova edición do Ponte Farruca
Reivindicar o Colectivo LGTBI e a muller do Rural é a razón pola que se celebra o Ponte Farruca. O pobo de Laza participa activamente nesta Romaría na que se celebra a inclusión, a diversidade e a cultura LGTBI.
«Estamos comprometidos en crear un espazo seguro e acolledor para todas as persoas, sen importar a súa orientación sexual ou identidade de xénero. Estamos entusiasmados de dar comezo á nova edición da Romería Ponte Farruca e agardamos ver Laza repleta de persoas que comparten o noso compromiso coa igualdade, a celebración da diversidade e o apoio ao rural», indica un dos responsables da organización, Xacobo Novoa.
Programa do Ponte Farruca
- 11h – Apertura do recinto e Feira de Artesanía durante todo o día
- 12h – Ponte Farruquiña – Fortunata e Honorata poñen a bata (xogos e actividades para os máis cativos)
- 13h – Sesión Vermut coa Charanga Bicoia
Xantar na zona da Romaría – Churrasco por encargo e pulpeira – Postos ambulantes
- 16:30h – Podcast Farruco no Bar O Cuartel
- 17:30h – Obradoiro de Pandeireta e Canto – imparte Nando Saa
- 18h – Tractorada Engalonada (Premio para o tractor máis orixinal)
Actividades de auga para cativos e non tan cativos
- 19:30h – Actuacións musicais
- A. C. Rebulir
- Silveiras do Támega
- Kuartetas
Postos ambulantes no recinto para cear
- 22:30h – Concertos no recinto da Romaría
- TNT
- O Rabelo
- The Teta’s Van
- Quinkillada