A localidade de Lucenza, no concello de Cualedro, celebra as festas de Santa Marta os días 27, 28 e 29 de xullo de 2024.
Variadas e interesantes actividades para todas as idades forman parte do cartel das festas desta localidade.
Lucenza celebra as festas de Santa Marta
Na primeira xornada, o sábado, 27 de xullo, terá lugar o V Paseo Nocturno polo Larouco. Esta actividade comezará ás 23h e conta cunha distancia de 5 quilómetros. A saída está prevista desde o local social de Lucenza-Cualedro.
O domingo, 28 de xullo, os máis cativos serán os protagonistas coa IV Festa do Verán. Nesta proposta lúdica non faltarán os inchables de auga, a escuma e os xogos populares. Esta actividade terá un horario de 16 a 20h.
Para o terceiro e último día, o luns 29, atopamos os actos litúrxicos e actuacións musicais. Ás 11h comezará a misa solemne na igrexa e posterior romaría á capela de Santa Marta. Estes actos contarán co acompañamento musical dos Gaiteiros de Verín.
A sesión vermú e a festa a partir das 20h será amenizada detrás do local social pola charanga Los Támega.