Paco Rodríguez, candidato á alcaldía polo PSdeG-PSOE, comprometeuse a prestar máis atención ás zonas periurbanas de Ourense.
Durante un acto realizado na asociación veciñal de Reza, Paco Rodríguez indicou que «tedes moito menos do que merecedes».
Máis atención ás zonas periurbanas de Ourense
«Debemos poñer o acento no envellecemento da poboación. Conseguir que a xente nova queira quedar aquí e desenvolver o seu proxecto vital. Para iso hai que xerar, entre outras moitas cousas, emprego» destacou o candidato.
Natalia González, nº 2 da candidatura, recordou ós asistentes que «pedides moito menos do que vos corresponde» ó mesmo tempo que agradecía a súa implicación na política municipal.