O delegado territorial da Xunta en Ourense, Manuel Pardo, reuniuse hoxe coa alcaldesa de Rairiz de Veiga, Josefa Asunción Morgade, para avanzar en distintos proxectos de interese municipal que competen a ambas administracións.
Durante a xuntanza de traballo, ambas autoridades analizaron os asuntos prioritarios para o municipio e repasaron as iniciativas en marcha que dependen da Xunta de Galicia.
Manuel Pardo aborda proxectos con Rairiz de Veiga
O encontro serviu para reforzar a colaboración institucional e coordinar actuacións orientadas a dar resposta ás necesidades do concello.
Pardo e Morgade coincidiron na importancia de manter unha comunicación fluída para impulsar investimentos e actuacións que contribúan ao desenvolvemento local.
