O Máster Territorial N5 Sub13 e Sub17 celebrado en As Neves (Pontevedra) deixou un excelente balance para a representación ourensá, que acadou un total de oito medallas nunha intensa xornada disputada o sábado 21 febreiro 2026.
A competición reuniu a xogadores e xogadoras das categorías Sub13 e Sub17, nun torneo que confirmou o bo momento da canteira ourensá.
Athlos suma oito medallas no Máster N5
O equipo estivo acompañado polas adestradoras Laura Valverde e María Ezquerro, que guiaron ao grupo nun campionato de alto nivel competitivo.
Na categoría Sub13 participaron Sabela López, Elaia Baltar, Mónica Fernández, Alén Álvarez, Leo Álvarez, Daniel Fernández, Gabriel Sánchez e Martín Babarro. Pola súa banda, en Sub17 competiron Zoe Do, Jimena Rodríguez, Leah Freire, Tayri Fernández, Adrián Otero, Héctor Salgado, Antón González, Hugo Blanco, Adrián Seijo, David Casas e Daniel Álvarez.
Ouro en dobres masculino Sub17
O resultado máis destacado chegou da man de Daniel Álvarez, que conquistou o 🥇 no dobres masculino Sub17 xunto a Xoán Balboa, do CB As Neves. Ademais, o propio Daniel sumou outra medalla, nesta ocasión 🥈 no dobres mixtos Sub17 xunto a Carlota Balboa.
Catro pratas para Ourense
A representación ourensá acadou tamén catro 🥈:
- Daniel Fernández e Gabriel Sánchez, en dobres masculino Sub13.
- Sabela López e Elaia Baltar, en dobres feminino Sub13.
- David Casas, no individual masculino Sub17.
- Daniel Álvarez, no dobres mixtos Sub17.
Dúas medallas de bronce
Completaron o medalleiro dous 🥉 na categoría Sub17:
- Adrián Seijo, no individual masculino.
- Adrián Seijo e David Casas, no dobres masculino.
O balance final confirma a progresión do bádminton ourensán nas categorías base e reforza o traballo que se desenvolve durante toda a tempada nas escolas deportivas da provincia.