O delegado territorial da Xunta en Ourense, Manuel Pardo, reuniuse hoxe con alcaldes dos municipios integrados na Denominación de Orixe Ribeiro para trasladarlles as medidas obrigatorias de prevención e control da flavescencia dourada.
Esta enfermidade afecta ás vides e require actuacións coordinadas en toda a comarca.
Xunta e concellos do Ribeiro coordinan a loita contra a flavescencia dourada
Durante o encontro, celebrado na Delegación Territorial e no que participaron tamén técnicos da Consellería do Medio Rural, explicáronse os pasos que deben seguir concellos e viticultores para frear o avance deste organismo nocivo, que se transmite por insectos e pode provocar perdas significativas nas plantacións.
Os responsables autonómicos fixeron fincapé na importancia da detección temperá, na retirada das cepas afectadas e na aplicación das directrices marcadas pola administración para minimizar o impacto na produción.
A Xunta subliña que estas accións deben executarse con máxima coordinación, dado que a flavescencia dourada se estende con facilidade e require un control sostido no tempo para garantir a saúde do viñedo no Ribeiro, unha das áreas vitivinícolas máis relevantes da provincia.