Medio milleiro de nenos participarán esta fin de semana na 13ª edición do Memorial Manolo Carrera de fútbol, que se celebrará no campo municipal de Velle o sábado 6 e domingo 7 de setembro.
O salón de plenos do Concello de Ourense acolleu esta mañá a presentación do torneo, coa presenza do alcalde Gonzalo Pérez Jácome, o tenente de alcalde Aníbal Pereira, os concelleiros Ana Fernández e Antonio Fernández, o xefe do Servizo de Deportes da Xunta, Manuel Pérez, o deputado provincial Jorge Pumar e o presidente do Club Deportivo Velle, entidade organizadora, Paco Sotelo.
Medio milleiro de nenos disputarán o Memorial Manolo Carrera en Velle
Nesta ocasión, o memorial adianta as súas datas para non coincidir co arranque oficial da tempada, que comeza a seguinte fin de semana, e non contará con fase previa. O sábado xogarán os equipos benxamíns e o domingo os alevíns, con 16 conxuntos e 250 futbolistas cada día.
A competición arrancará ás 10.00 horas e prolongarase ata a final, prevista para as 19.30 horas. Entre medias, participantes e familias gozarán dun descanso con xantar conxunto, reforzando o espírito deportivo e de convivencia que caracteriza ao memorial.