Chega unha nova cita nos xoves culturais que organiza o concello de Barbadás durante o verán de 2023 no Parque dos Patos da Valenzá.
Dentro da programación que a concellería de Cultura organizou para a edición deste ano, hoxe chegan a Barbadás os integrantes do grupo Brañas Folk.
Nova cita nos xoves culturais de Barbadás
A cita con esta actuación musical será ás 21h no Parque dos Patos e permitirá ós asistentes gozar coa música do último disco desta agrupación. «Godaxe» é o último traballo de Brañas Folk e conta con importantes colaboracións como o Orfeón Treixadura ou Pancho Álvarez.
