O Concello de Ourense habilita unha nova parada de autobús urbano na rúa Emilia Pardo Bazán, fronte ao Auditorio Municipal, que estará operativa desde o xoves 15 de xaneiro.
Esta nova infraestrutura de transporte público busca mellorar a accesibilidade e a mobilidade urbana nunha zona con alta afluencia de usuarios, tanto por motivos culturais como sanitarios.
Nova parada de autobús urbano xunto ao Auditorio Municipal
A parada dará servizo aos autobuses que circulen en sentido á residencia sanitaria, facilitando os desprazamentos diarios da veciñanza.
Na nova parada deteranse os vehículos das seguintes liñas do servizo municipal:
- Liña 6: Antiga estación de autobuses – As Curuxeiras.
- Liña 8: Alameda – A Milagrosa – Residencia.
- Liña 13: Universidade Laboral (A Cuña) – Palmés.
Desde o Concello sinalan que esta medida responde á vontade de optimizar a rede de autobuses urbanos de Ourense.
