Xa teñen todo listo para comezar o 7 de setembro un novo curso na Banda de Gaitas do Irixo nas especialidades de gaita, percusión e baile tradicional.
O curso 24-25 terá á Banda de Gaitas do Irixo dentro da oferta formativa que ofertan as distintas agrupacións musicais existentes na provincia.
Novo curso na Banda de Gaitas do Irixo
Esta agrupación conta cunha longa traxectoria e oferta ós interesados a posibilidade de participar de balde na primeira clase. Tras ese primeiro contacto, o alumnado que decida anotarse abonará unha cota mensual de 10€ por alumno. Esta cota outorga a posibilidade de participar en varias actividades sen ningún incremento da mesma.
As clases deste novo curso que comeza o 7 de setembro impartiranse no local social anexo ó CEIP Virxe da Pena da Sela no Irixo.
