O grupo municipal do PSdeG-PSOE de Ourense critica a posición do PP como sustento do alcalde, Gonzalo Pérez Jácome, no novo mandato.
«Os distintos grupos amosaron onte as súas cartas e o seu posicionamento para o futuro. O que vimos foi que hai un Goberno que segue a funcionar cun único interlocutor, o alcalde, que actúa de xeito prepotente, despreza a vontade soberana do Pleno sen pudor e que manipula. Pola súa banda, o Partido Popular deu mostras claras de que é a muleta do alcalde, como xa o foi na sesión de investidura», indicou José Ángel Vázquez Barquero, concelleiro socialista.
