Oito integrantes do Ourense Judo Club Marbel superaron con éxito o exame de ascenso a Cinto Negro 1º Dan e graos superiores nas modalidades de Judo e Jiu Jitsu.
O exame celebrouse o pasado sábado, 27 de setembro, no Pazo Paco Paz ante o tribunal da Federación Galega de Judo e Deportes Asociados.
Oito membros do Ourense Judo Club logran novos graos de Cinto Negro
Na modalidade de Judo acadaron o 1º Dan Diego González González, Luis Mariano Pérez dos Anjos, Carolina Araújo Martínez, Julio Iglesias Sieiro e Andrea Fernández Morales. En Jiu Jitsu, Guillermo Arenas Jara logrou tamén o 1º Dan. Rubén Córdoba Bermello ascendeu a 3º Dan e José Estévez Alonso, coñecido como Pepón, alcanzou o 5º Dan. Este lograría ascender a un grao reservado a moi poucos deportistas da provincia.
A proba consistiu en demostracións teóricas e técnicas (katas), nas que resultou esencial a colaboración dos ukes, compañeiros que axudan á execución dos movementos. Nesta ocasión, contribuíron Diego Delgado, Miguel Ángel García, Leire Carrera e Tamara Silva, exemplificando o principio de Jita Kyoei que inspira estas disciplinas.
Os logros foron celebrados polos mestres Manuel Montero (8º Dan de Judo), Felipe Iglesias (5º Dan de Jiu Jitsu) e Anita Fernández (3º Dan). Todos eles destacaron o alto nivel amosado polos deportistas ourensáns.