O concello de Ourense repite a campaña de fomento da lectura que terá un presuposto de 210.000 euros. Os nados a partir de 2004 deberán realizar unha solicitude online para que se lles adxudique un código. Desde o 22 de xuño ó 7 de setembro será o período para recoller os libros nas librarías que se sumen á campaña de fomento da lectura. «Repetimos o que tivo éxito, só cambian as datas», sinala Pérez Jácome, alcalde de Ourense.
