O PSdeG-PSOE visita o concello de Laza e fai parada no proxecto do Bosque Máxico que cumpre 10 anos de total abandono.
Dentro da campaña para as eleccións europeas, os socialistas visitaron as instalacións «totalmente abandonadas e desleixadas» do proxecto que se financiou con fondos da Unión Europea.
O PSOE visita en Laza o proxecto do Bosque Máxico
Para os candidatos socialistas, o Bosque Máxico «é o exemplo do desleixo e do abandono co que o PP trata á provincia de Ourense, prometendo proxectos e investimentos que rematan en saco roto e que non se acaban pondo en marcha».
![O PSOE visita en Laza o proxecto do Bosque Máxico](https://ourensenarede.com/wp-content/uploads/2024/05/psoe-laza-bosque-maxico.jpg)
Lorena Guerra, candidata do PSdeG-PSOE de Ourense ó Parlamento Europeo lembrou que «as e os socialistas estamos comprometidos co bo uso dos recursos europeos». Durante a visita a estas instalacións, Lorena Guerra estivo acompañada polo senador, Rafa Villarino, a deputada provincial, Marina Vaz, e o voceiro municipal en Laza, Juan Ramón Álvarez.