A iniciativa cidadá “Resposta Solidaria Urxente Ourense” xorde da unión de diferentes grupos, asociacións e persoas voluntarias da cidade que, ante a crecente demanda de apoio social, decidiron sumar esforzos para chegar a máis familias necesitadas.
Sen ánimo de lucro e sen xestionar cartos directamente, este grupo canaliza doazóns materiais de maneira rápida e eficaz.
Unha rede solidaria en Ourense canaliza axuda directa a familias sen recursos
Desde a súa creación, o funcionamento da rede solidaria é áxil e directo: cando unha familia contacta pedindo axuda, o grupo publica a súa necesidade nas redes sociais, e sempre aparece xente disposta a doar xenerosamente os produtos solicitados. Posteriormente, membros da organización encárganse da recollida e entrega dos artigos, garantindo que cheguen a quen realmente os precisa.
En casos puntuais, os integrantes teñen asumido con fondos propios a compra de alimentos cando a urxencia así o require.
A agrupación quixo trasladar publicamente o seu agradecemento ao Concello de Ourense polo respaldo recibido, especialmente ao alcalde Gonzalo Pérez Jácome, “pola súa total colaboración e apoio ás nosas actividades”, destacan nun comunicado.
