El presidente de la Confederación Hidrográfica del Miño-Sil (CHMS), José Antonio Quiroga, y el subdelegado del Gobierno en Ourense, Eladio Santos, visitaron este xoves os traballos de restauración hidrolóxico-forestal en Carballeda de Avia.
Este foi un dos municipios máis afectados polos lumes de agosto, que arrasaron máis de 3.000 hectáreas.
O Goberno activa en Carballeda un plan de restauración tras os incendios
Quiroga explicou que o Goberno de España puxo en marcha un plan de choque post-incendios cunha primeira fase de seis meses. Neste plan xa operan máis de 60 efectivos, cifra que ascenderá ata os 200 ao longo de setembro.
A inversión prevista superará os 3 millóns de euros. As intervencións céntranse en Dominio Público Hidráulico, especialmente en captacións de auga potable, zonas con risco de inundación e áreas ambientais sensibles.
O responsable da CHMS insistiu en que estas actuacións deberían complementarse coas doutras administracións para garantir a recuperación integral do territorio. Pola súa parte, Santos criticou a falta de resposta da Xunta de Galicia. “O Goberno actuou con rapidez, mentres que a Administración autonómica segue sen poñer en marcha medidas de prevención nin reforzar os equipos forestais”.
Obras en marcha
Segundo explicou Alberto de Anta, comisario adxunto da CHMS, os traballos inclúen a execución de fajinas de ramas e albarradas con madeira queimada e pedras en zonas de cárcavas e torrentes. Estas estruturas permitirán frear o arrastre de sedimentos, estabilizar o terreo e reducir o poder erosivo da auga.
Quiroga advertiu da elevada vulnerabilidade da zona: “A perda da cuberta vexetal e as fortes pendentes provocarán fluxos de auga e sólidos que poden degradar os ecosistemas fluviais e afectar infraestruturas e poboacións augas abaixo”.
Outras zonas de actuación
Ademais de Carballeda de Avia, brigadas da CHMS actúan en Valdeorras, en Quiroga (Lugo), na comarca de El Bierzo e, en breve, en Zamora.
“Traballamos contra reloxo para reducir a erosión, crear microhábitats e favorecer a rexeneración da vexetación, evitando ao mesmo tempo a chegada masiva de sólidos aos ríos”, concluíu Quiroga.