Dentro da programación do BNG para celebrar o 25 de xullo atopamos un roteiro pola zona histórica de Ourense o luns, día 22.
O BNG programou numerosos actos en moitas localidades de Galicia para conmemorar o Día da Patria.
Roteiro pola zona histórica de Ourense
Un dos actos que atopamos nesa programación será un roteiro que percorrerá a zona histórica da cidade de Ourense. Este acto comezará ás 20:30h nas Burgas e percorrerá lugares tan significativos como as esculturas de Blanco Amor (Praza de Bispo Cesareo), Alexandre Bóveda (Rúa da Barreira) ou Castelao (Praza da Imprenta).
Nestes lugares, os asistentes lerán poemas ademais de contar coa animación musical do grupo «Airiños de Caldelas». O percorrido rematará no Xardín do Posío onde se realizarán xogos populares e se lerá un manifesto.
![Roteiro pola zona histórica de Ourense](https://ourensenarede.com/wp-content/uploads/2024/07/Cartaz-anunciador-do-roteiro-800x800.jpg)