O Concello de Ourense publica a convocatoria das subvencións para asociacións veciñais 2025, enmarcadas no seu Plan Estratéxico de Participación Cidadá.
Estas axudas teñen como obxectivo fortalecer o tecido asociativo e impulsar a implicación da veciñanza na vida comunitaria.
Ourense convoca subvencións para asociacións veciñais en 2025
As axudas, cun orzamento global de 125.000 euros, destínanse ao funcionamento e á realización de programas ou actividades promovidas por entidades veciñais legalmente constituídas.
Poderán optar aquelas asociacións que presenten iniciativas de carácter lúdico, festivo, cultural ou deportivo que melloren a convivencia e fomenten a integración social, sempre que non conten con outras axudas municipais específicas.
O prazo para a presentación das solicitudes será de 15 días hábiles, iniciándose mañá, mércores 25 de xuño, e rematando o martes 15 de xullo, inclusive.
As persoas interesadas poden consultar as bases completas da convocatoria na web do Concello de Ourense ou no Boletín Oficial da Provincia deste martes, 24 de xuño. Tamén se ofrece atención presencial na oficina de Participación Cidadá, situada na Praza San Martiño, número 2.
Con esta medida, o Concello aposta por unha cidadanía activa e organizada, capaz de xerar iniciativas que reforcen o vínculo entre a veciñanza e impulsen a dinamización social dos barrios.