O Tangaraño Cultural segue a medrar ó incorporar no ano 2023 un novo concello que acollerá unha das xornadas deste importante festival das artes.
No concello de Xunqueira de Ambía o Tangaraño Cultural ten a súa casa desde a súa primeira edición sendo o lugar onde se realizaban as actividades programadas coa colaboración do concello.
O Tangaraño Cultural segue a medrar no 2023
En 2021, o Tangaraño incorporaba á súa programación unha parada no concello de Baños de Molgas e un ano máis tarde, no 2022, incorporábase tamén o concello de Vilar de Barrio como parada do festival nado en Sobradelo.
A novidade na edición de 2023 é a incorporación do concello de Taboadela. Ó igual que os alcaldes de Xunqueira de Ambía, Baños de Molgas e Vilar de Barrio, o alcalde de Taboadela súmase ó apoio dun festival que medra en presenza e número de participantes.
Programa do Tangaraño 2023
Rocho Nóvoa é a responsable de por en marcha un ano máis o Tangaraño Cultural que comezará as súas actividades o día 6 de maio. Desde ese momento e ata o 3 de xuño, o mundo das artes viaxará polos catro concellos colaboradores.
Baños de Molgas
Sábado, 6 de maio ás 20h na Burguiña
Taboadela
Sábado, 13 de maio ás 21h na praza do concello
Vilar de Barrio
Domingo, 14 de maio ás 18h na praza
Xunqueira de Ambía
Sábado, 3 de xuño, en Sobradelo
