Tres ximnastas do Club Ximnasia Pavillón Ourense participan no Campionato Nacional Individual Masculino que tivo lugar en Avilés.
Dos setenta e nove participantes nesta competición, once eran galegos, proba do incremento de rapaces que optan por practicar esta modalidade deportiva.
Tres ximnastas do Pavillón Ourense participaron no Nacional masculino
José Vázquez, Patrick Celis e Eduardo Montero foron os representantes do Ximnasia Pavillón neste Campionato Masculino Absoluto. Os tres ximnastas ourensáns realizaron un bo campionato sendo a mellor actuación a de José Vázquez que se clasificou para a final.
O 6º posto final logrado por Vázquez deixa boas sensacións nun ximnasta que estivo presente nas tres últimas finais deste campionato.
Na clasificación xeral onde se teñen en conta os tres exercicios das preliminares, os ximnastas do Club Pavillón lograron as seguintes posicións:
- Patrik Celis (infantil absoluto) – 7ª posición
- Jose Vázquez (júnior absoluto) – 13º posición
- Eduardo Montero (júnior absoluto) – 18º posición