As xornadas «Trevinca, unha viaxe á orixe» é o froito da colaboración entre Ecos dos Teixos (Casaio) e Terras Altas de Trevinca (A Veiga).
Durante a fin de semana do 29 e 30 de outubro poderemos participar en numerosas actividades que nos permitirán coñecer con máis profundidade aspectos propios da zona como o glaciarismo ou o bosque de «O Teixadal de Casaio».
«Trevinca, unha viaxe á orixe»
A programación que atoparemos é a seguinte:
Sábado, 29 de outubro
- 08:30h – Ruta Guiada ata Pena Trevinca (Terras altas de Trevinca)
- 19h – Presentación do libro de Christian Barrio «José Barrio, el último guardia de la mina de Valborraz»
Domingo, 30 de outubro
- Ruta guiada por O Teixadal de Casaio (Eco dos Teixos)
!["Trevinca, unha viaxe á orixe"](https://ourensenarede.com/wp-content/uploads/2022/10/thumbnail_Trevinca-unha-viaxe-a-orixe-Instagram-800x800.jpg)
Estas actividades dan continuidade á programación que Eco dos Teixos leva realizando durante o mes de outubro. A principios de mes tivo lugar a actividade Visually. Este encontro reuniu en Casaio a profesionais de 10 países que compartiron coñecemento sobre o deseño e a presentación visual.
As Xornadas Renaturalízate permitiron ós asistentes participar en obradoiros de crecemento persoal, contacto coa natureza, ioga e desconexión. A seguinte actividade que se levou a cabo en Eco dos Teixos foi o I Encontro de Autocoidado para profesionales da educación social. Esta cita congregou a profesionais de toda España que a través da arteterapia, a xestión da ansiedade ou o mindfulness disporán de técinas para previr o Burn out.
![](https://ourensenarede.com/wp-content/uploads/2022/10/Curso-de-formacion-Visually-Erasmus--600x800.jpg)
![](https://ourensenarede.com/wp-content/uploads/2022/10/Preparando-kombucha-unha-bebida-fermentada-con-numerosos-beneficios-para-la-salud.jpg)
![](https://ourensenarede.com/wp-content/uploads/2022/10/I-Encuentro-autocuidado-profesional-con-Talentia-Formacion-Creando-Educacion-Social-y-Sandra-Darriba.jpg)