O concello de Vilamarín queda sen piscina para os máis cativos ó ser inutilizado este espazo durante o verán de 2024.
O grupo municipal do BNG no concello de Vilamarín denuncia a situación que moitas familias se atoparon ó acudir ás piscinas municipais.
Vilamarín queda sen piscina para os cativos
«Foron moitos os pais e as nais que quedaron sorprendidas cando acudiron ao recinto e atoparon a piscina adicada ás nenas e aos nenos cuberta con terra, deixando únicamente a piscina grande como alternativa», indicou Breixo Fernández, voceiro municipal.
![Vilamarín queda sen piscina para os cativos](https://ourensenarede.com/wp-content/uploads/2024/07/Piscinas-de-Vilamarin-co-vaso-adicado-as-crianzas-ciberto-de-terra.jpg)
Esta situación supón para o BNG «un atranco máis para as familias de Vilamarín que ademais de ver como quedan sen atención pediátrica durante o verán, agora tamén quedan sen un espazo de lecer e esparcemento como é a piscina municipal».
![Vilamarín queda sen piscina para os cativos](https://ourensenarede.com/wp-content/uploads/2024/07/Breixo-Fernandez-e-Lucia-Gonzalez-BNG-Vilamarin.jpg)
Ante a problemática xurdida, desde o BNG rexistrarán varias iniciativas para «coñecer os motivos deste peche».