O XI Tangaraño Cultural comezou en Xunqueira de Ambía coa exposición As Mulleres das Capas e o concerto de Aturuxa.
Esta primeira sesión do Tangaraño Cultural contou coa presenza dos alcaldes de Xunqueira de Ambía, Xinzo de Limia, Baños de Molgas e Vilar de Barrio.
O XI Tangaraño Cultural comezou en Xunqueira de Ambía
A primeira xornada do Tangaraño Cultural deste ano 2024 realizouse na localidade de Xunqueira de Ambía. Para esta primeira xornada, a programación incluía a inauguración da exposición de Mercedes Vázquez Saavedra «As Mulleres das Capas» e un concerto do grupo «Aturuxa«.
Ambos actos tiveron lugar na Colexiata de Xunqueira de Ambía onde os asistentes remataron a xornada compartindo un viño. A exposición de Mercedes Vázquez estará aberta ó público ata o 17 de xuño.
Coincidindo cos celebración do Día das Letras Galegas, o XI Tangaraño Cultural chega ó concello de Vilar de Barrio. O concerto de Perrito Piloto, previsto para as 18h achega este importante acontecemento cultural á veciñanza deste concello.
Será o mesmo artista quen actúe o día 25 no concello de Baños de Molgas antes de chegar á xornada do 1 de xuño coa celebración do día central do Tangaraño Cultural na localidade de Sobradelo.