A Xunta de Galicia tamén se opón ó macrocomplexo eólico coñecido como Cluster A Limia a través duns informes desfavorables elaborados pola Consellería de Economía, Industria e Innovación.
O complexo eólico suporía a instalación de 49 aeroxeradores de 240 metros de altura e unha liña de alta tensión que atravesaría 18 concellos entre Castrelo do Val e Castrelo do Miño cunha lonxitude de 96 quilómetros.
A Xunta tamén se opón ó macrocomplexo eólico da Limia
O informe elaborado pola Consellería indica que este proxecto «atópase emprazado fóra das Áreas de Desenvolvemento Eólico (ADE) incluídas dentro do Plan Sectorial Eólico de Galicia».
Tamén indica este informe que «dada a lonxitude da liña de evacuación, non se considera adecuada a súa execución (…) e considérase necesaria unha planificación racional e ordenada das infraestruturas de evacuación e as de transporte, baixo o principio de rede única e evitar unha rede paralela de evacuación».
