A localidade de Moreiras terá un mercado de Nadal solidario que se celebrará este domingo, quince de decembro de 2024.
Esta actividade solidaria, organizada pola Asociación de veciños de Moreiras e o concello de Toén, terá como beneficiarias organizacións que loitan contra o cancro infantil.
Moreiras terá un Mercado de Nadal solidario
A investigación do rabdomiosarcoma, a neurofibromitosis e a Asociación de nenos oncolóxicos de Galicia recibirán este Nadal un novo impulso a través desta actividade.
As distintas actividades propostas pola organización terán lugar na Praza Eladio Sabucedo de Moreiras. No mercado estarán presentes postos de artesanía, tecidos, xoguetes, libros e pintura ademais de postos de comida e bebida.
Non faltarán outras propostas como a visita de Papa Noel, música tradicional, baile moderno e o sorteo de numerosos premios doados por empresas colaboradoras.
Programa do Mercado de Nadal de Moreiras 2024
11h – Actuación de Rebulideiras do grupo Rebulir cultural tradicional
De 11h a 13:30h – Animacións Pepinito
11h a 18h – Obradoiro de chapas e tatuaxes con Virginia Treceño
12h a 14h – Visita de Galicia Squad e Legión 501 de Star Wars
12:30h – Flashmob Escuela de Estilo Libre
13h – Visita de Papa Noel
16:30h – Contacontos e mural con Tacto Contacto
17:30h – Contacontos a cargo de Uxía Morán
18h – Gran Sorteo Solidario
